Bonjour zot tous, fami ek camarades. Moi c Jonathan Sanassee, mo ena 42 ans, mo reste eau-coulee et mo ti travail General worker college Notre Dame. Ine gagne 2 ans de cela mone decouvert ki mo souffert ‘end stage kidney failure’ ki nou appel insuffisance renal ou ceki veut dire mo lerein nepli fonctionner. Ca ine causer par hypertension ek diabete ki héréditaire dan mo fami.

Depi ki mone decouvert sa mo p bisin fer 4 hr temps dialyse 3 fois par semaine. Li pas 1 zafer facile – sa ine affaibli moi beaucoup. Mo 1 zom fort ki contan mo fami, mo ena mo madame ek mo 2 enfants 18 ans et 14 ans. Apart mo travail, Mo contan la musique – Mo ti p faire DJ dans beaucoup soirée - bokou cone moi comme DJ Cool, mo ti p anime banes Malls pendant périodes festifs, mo ti p deguise en père noel pu fer zenfan riyer. Mais depi ki mo p fer dialyse mo la vie ine changer net. Mo travail ti physique et mo nepli kapav travail. Mo affaibli vite et mo gagne beaucoup douler.

Pu mo kapav faire mo dialyse mone passe par beaucoup operations kot ine bisin met catheter ek fistules plusieurs place dans la main, la jambe ek licou.

Sel moyen mo kapav arete faire dialyse ek regagne 1 lavie normale c ki mo transplante mo lerein. Par la grace de Dieu mone ressi gagne 1 donneur pu donne moi 1 lerein mais l’hopital l’inde p deman USD14,500/- (Rs650,000) sans banes lezot frais ki kapav ena. Mo bisin trouve logement pu 2 mois, billets avions etc. et d’apres l’experience banes ceki ine déjà aller nou p compren sa kapav coute ziska Rs900,000 environs.

Mo p deman zot enn aide.. enn contribution pu mo kapav recolter fonds ki bisin pu mo faire mo l’operation. Meme 1 ti aide kapav faire 1 grand difference. Meme ceki pas kapav aider financierement, si zot kapav zis partage sa post la maximum avec lezot dimoun ki kapav aide moi.

Mo remercier zot et ki Bondier beni zot tou abondamment.